مەروان کوردی |

هۆنراوەیەكی جوانی سابیری لە سەركۆنەی "نەفس"ـدا هۆنراوەیەكی جوانی سابیری لە سەركۆنەی "نەفس"ـدا: يا اله العالمين و پادشاھی بێ نیاز ڕەستەگارم کەی لە داوی نەفسی پیس و حیلەباز دین و ئیمانی بە دینار و درەم دا سەربەسەر ئابڕووی بردم لەبەر دەرگاھی پەتریق و پەپاز⁽¹⁾ قەسد ئەکا مەغزی⁽²⁾ سەرم دەرکا وەکوو ماری زەحاک لامل و چەرمی پەناگوێمی ھەموو پچڕی بە گاز گاھێ⁽³⁾ تێرە مەزھەبی نەمروود و فیرعەونی ھەیە گاھێ برسی، مەشڕەبی⁽⁴⁾ دوڕڕەندە وەک گورگ و بەراز قازییە فتوا دەدا ئەملاکی ئەیتامی عیراق⁽⁵⁾ موفتییە بۆ غارەتی ئەموالی حوججاجی حیجاز⁽⁶⁾ تا بڵێی غەددارە بێ شەرم و ویقار و بێ وەفا موختەسەر خۆشە قسەی ناسازە گوفتاری دراز تا وەکوو بەرخی دەساژۆ⁽⁷⁾ نانی شوانی نەفس ئەخۆی سەد بەڵا بۆ تۆ لە پارێزایە وەک گورگ و بەراز تا بە گیانی جووجەڵەی پیرێژنان کۆلارە بی ھەر ئەسیری نەگبەتی وەک کۆتری ژێر چنگی باز تۆ کە خزمەتکاری نەفسی حیزی ئازاییت نەما لافی مەردی لێمەدە پوورێ بە خشڵ و چەک مەناز ئەی درێغا پیاوی ئازا وا لە دونیادا نەما تەکیە چۆڵ و پڕ لە ئەولادی ئەوان ئۆتێل پەڵاز داخەکەم بۆ موئمینی ساغ و سەلیم و بێ ڕیا زۆر کەمە دەس ناکەوێ لەم وەختەدا ئیللا بە شاز سابیری تەنپەروەری⁽⁸⁾ تاکەی؟ ئەجەل نەزدیکە لێت تووشەیێ⁽⁹⁾ پەیداکە ئەی بێچارە بۆ ڕێگای دراز⁽¹⁰⁾ سابیری تاکەی مەراقی مەتعەمولغازی دەکەی؟ عارف يَكْفِيكَ⁽¹¹⁾، ئەگەر مەیلت حەقیقەت یا مەجاز _______________________ (1) پەتریق و پەپاز: پیاوی ئایینی مەسیحیەكانن. (2) مەغز: مێشك. (3) گاهێ: ساتێك، دەمێك. (4) مەشرەب: ڕێچكە، مەزهەب. (5)واتە: دادوەرێكی نادادە و بە گوێرەی ویستی خۆی ماڵ و سامان دەپچڕێت بۆ خۆی. (6) واتە: موفتیەكی لاسارە و لەبەرژەوەندی خۆی فەتوا دەدات. (7) دەساژۆ: دەستەمۆ، دەستەژۆ. (8) تەنپەروەر: لێكدراوە لە (تەن) بە واتای (جەستە) لەگەڵ پەروەر، یانی كەسێك هەر گرنگی بە خۆی بدات، خۆی ماندوو نەكات و بێكار دابنیشێت. (9) تووشە: تێشوو. (10) درێژ: مەبەستی قیامەتە. (11) يَكْفِيكَ: بەستە.

هۆنراوەیەكی جوانی سابیری لە سەركۆنەی "نەفس"ـدا:

يا اله العالمين و پادشاھی بێ نیاز

ڕەستەگارم کەی لە داوی نەفسی پیس و حیلەباز

دین و ئیمانی بە دینار و درەم دا سەربەسەر

ئابڕووی بردم لەبەر دەرگاھی پەتریق و پەپاز⁽¹⁾

قەسد ئەکا مەغزی⁽²⁾ سەرم دەرکا وەکوو ماری زەحاک

لامل و چەرمی پەناگوێمی ھەموو پچڕی بە گاز

گاھێ⁽³⁾ تێرە مەزھەبی نەمروود و فیرعەونی ھەیە

گاھێ برسی، مەشڕەبی⁽⁴⁾ دوڕڕەندە وەک گورگ و بەراز

قازییە فتوا دەدا ئەملاکی ئەیتامی عیراق⁽⁵⁾

موفتییە بۆ غارەتی ئەموالی حوججاجی حیجاز⁽⁶⁾

تا بڵێی غەددارە بێ شەرم و ویقار و بێ وەفا

موختەسەر خۆشە قسەی ناسازە گوفتاری دراز

تا وەکوو بەرخی دەساژۆ⁽⁷⁾ نانی شوانی نەفس ئەخۆی

سەد بەڵا بۆ تۆ لە پارێزایە وەک گورگ و بەراز

تا بە گیانی جووجەڵەی پیرێژنان کۆلارە بی

ھەر ئەسیری نەگبەتی وەک کۆتری ژێر چنگی باز

تۆ کە خزمەتکاری نەفسی حیزی ئازاییت نەما

لافی مەردی لێمەدە پوورێ بە خشڵ و چەک مەناز

ئەی درێغا پیاوی ئازا وا لە دونیادا نەما

تەکیە چۆڵ و پڕ لە ئەولادی ئەوان ئۆتێل پەڵاز

داخەکەم بۆ موئمینی ساغ و سەلیم و بێ ڕیا

زۆر کەمە دەس ناکەوێ لەم وەختەدا ئیللا بە شاز

سابیری تەنپەروەری⁽⁸⁾ تاکەی؟ ئەجەل نەزدیکە لێت

تووشەیێ⁽⁹⁾ پەیداکە ئەی بێچارە بۆ ڕێگای دراز⁽¹⁰⁾

سابیری تاکەی مەراقی مەتعەمولغازی دەکەی؟

عارف يَكْفِيكَ⁽¹¹⁾، ئەگەر مەیلت حەقیقەت یا مەجاز

_______________________

(1) پەتریق و پەپاز: پیاوی ئایینی مەسیحیەكانن.

(2) مەغز: مێشك.

(3) گاهێ: ساتێك، دەمێك.

(4) مەشرەب: ڕێچكە، مەزهەب.

(5)واتە: دادوەرێكی نادادە و بە گوێرەی ویستی خۆی ماڵ و سامان دەپچڕێت بۆ خۆی.

(6) واتە: موفتیەكی لاسارە و لەبەرژەوەندی خۆی فەتوا دەدات.

(7) دەساژۆ: دەستەمۆ، دەستەژۆ.

(8) تەنپەروەر: لێكدراوە لە (تەن) بە واتای (جەستە) لەگەڵ پەروەر، یانی كەسێك هەر گرنگی بە خۆی بدات، خۆی ماندوو نەكات و بێكار دابنیشێت.

(9) تووشە: تێشوو.

(10) درێژ: مەبەستی قیامەتە.

(11) يَكْفِيكَ: بەستە.

زیاتر